Shqipëria përballë modestëve të San Marinos, ja si pritet të rreshtohen kuqezinjtë

Shqipëria luan sot në 20:45 me San Marinon. Kuqezinjtë e Edy Rejës do kërkojnë pikët maksimale, për të qenë në vendet e kreut të grupit I kualifikues për Botërorin 2022. Në fushë “Shqiponjat” do zbresin me skemën 3-5-2, e konsoliduar dhe preferuar tanimë nga italiani i stolit.

Në portë pritet të jetë Strakosha, që nuk ka luajtur në dy ndeshjet e para me Andorrën dhe Anglinë. Mbrojtja me tre pritet t’i besohet Hysaj, Gjimshitit dhe Ajetit, teksa ka balotazh me Hoxhallarin në të majtë.

LEXO EDHE  Memelli: Luajtëm si të barabartë me Partizanin, kam rezerva për akordimin e penalltisë

Mesfusha me pesë është edhe dilema e kuqezinjve. Projektohen nga fillimi Doka, Çokaj, Bare, Laçi e Lenjani, ndërsa mund të jetë në fushë edhe Roshi që ka kaluar dëmtimin apo Ramadani. Sulmi për Manaj dhe Brojën. Cikalleshi apo Uzuni janë gati, nëse Reja ndryshon mendje e skemë në fund.

Formacioni i mundshëm:

Shqipëria: Strakosha, Hysaj, Gjimshiti, Ajeti (Hoxhallari), Doka (Roshi), Çokaj (Ramadani), Bare, Laçi, Lenjani, Manaj, Broja (Cikalleshi)