Kualifikueset e Botërorit/ Fitojnë Franca, Italia e Anglia, Maqedonia e Veriut mund Gjermaninë

Fitojnë Italia, Franca dhe Anglia, teksa Gjermania humbet në shtëpi përballë Maqedonisë së Veriut.  Skuadra e Roberto Mancinit triumfoi 0-2 në Lituani. Golat e fitores u shënuan nga Stefano Sensi në minutën e dytë të pjesës së dytë dhe Ciro Immobile në shtesa.

Fitore minimale për Francën në Bosnje teksa Griezmann realizoi golin e fitores për kampionë e botës pas një ore lojë. Pikë të plota edhe për Anglinë në grupin tonë. “Tre Luanët” mposhtën 2-1 Poloninë në “Ëembley”. Harry Kane dhe Maguire shënuan për “Tre Luanët”  ndërsa për polakët barazoi përkohësisht me anë të Jakub Moder.

LEXO EDHE  Titullari tërbon Bayern Munich, kërkon largimin nga klubi

Gjermania u befasua nga Maqedonia e Veriut, që triumfoi 1-2 në Duizburg. Miqtë mbyllën pjesën e parë në avantazh falë rrjetës së “veteranit” Goran Pandev në limitet e fraksionit të parë të ndeshjes.

Vendasit barazuan përkohësisht me anë të Ilkay Gundogan. Mesfushori i Manchester City ktheu në gol një penallti pas një ore lojë, por Elif Elmas befasoi Ter Stegen dhe “Pancerat” në minutën e 85-të, duke i dhuruar kombëtares së tij një fitore historike.