Itali, rreth 24 mijë raste të reja me Covid dhe 467 viktima në Itali/ Lombardia në karantinë

Në 24 orët e fundit në Itali kanë humbur jetën 467 pacientë me Covid-19, duke e çuar numrin e viktimave që nga fillimi i pandemisë në 109,346 humbje jete.

Autoritetet shëndetësore bëjnë me dije se ditën e sotme janë regjistruar 23,904 raste të reja me koronavirus nga 351,221 teste të realizuara.

Situata epidemiologjike sipas Ministrisë së Shëndetësisë vijon të mbetet vijon problematike, ndërsa është vendosur që përveç mjekëve dhe infermierëve që ndodhen në vijën e parë të përballjes me Covid-19 të marrin vaksinën anti-Covid edhe farmacistët si edhe stafe mjekësore që janë në kontakt me këtë sëmundje të rëndë.

Referuar raportimeve zyrtare, Lombardia mbetet rajoni me numrin më të lartë të rasteve me koronavirus në Itali, ndonëse plani i vaksinimit në këtë rajon ka dhënë rezultate pozitive.

“Padyshim që ne nuk jemi prefektë dhe mund të kemi probleme, por e rëndësishme është që ne po punojmë për t’i përmirësuar ato. Unë kam besim se gjithçka do të shkojë mirë”, ka thënë gjenerali i Urgjencës së Covid , Francesco Paolo Figliuolo.

LEXO EDHE  Emri/ Vri*et shqiptari në Londër, policia ndalon një person

Gjithashtu Presidenti i Lombardisë Attilio Fontana theksoi se Lombardia deri në 11 prill do të jetë zonë e kuqe për shkak të rritjes së rasteve të reja me Covid dhe mbingarkesës në spitale.

Ndërkohë sipas draftit të publikuar për situatën e Covid bëhet me dije se farmacistët e kanë të detyrueshme të marrin vaksinën anti-Covid.

Sakaq Italia ka administruar mbi 10 milion doza të vaksinës anit-Covid nga Pfizer, AstraZeneca dhe Moderna.

“Ne duhet të përshpejtojmë procesin sepse vaksina është e vetja mënyrë për të kaluar këtë sezon të vështirë”, kështu është shprehur ministri i Shëndetësisë në Itali, Roberto Speranza.