Beteja mes aktorëve të famshëm të Hollywood, Brad Pitt dhe Angelina Jolie, mund të jetë divorci më i kushtueshëm në Hollywood. Ekspertët ligjorë në Los Angeles janë shprehur se dyshja kanë shpenzuar secili mbi 1 milionë dollarë, duke shtuar se beteja e kujdestarisë së fëmijëve mund të vazhdojë për gjashtë vite të tjera.
Ishçifti nuk ka arritur ende një zgjidhje se si do t’i ndajnë pasuritë e tyre miliona dollarëshe apo kujdestarinë e fëmijëve të tyre.
Avokatja, Kelly Chang Rickert tha për “Daily Mail”: “Mendoj se mund të bëhet një nga rastet më të shtrenjta të divorcit në historinë e Hollywood-it përsa i përket tarifave ligjore.
Besoj se Angelina dhe Brad kanë shpenzuar tashmë mbi 1 milion dollarë secili. Ata kanë punësuar avokatë shumë të njohur dhe Angelina tashmë ka marrë disa. Tarifat për orë mund të shkojnë nga 1,000 në 1,500 $.”
