E ftuar në emisionin Tempora në RTV Ora, kryetarja e LSI-së, Monika Kryemadhi, tha se pjesëmarrja në zgjedhjet e 25 prillit do të jetë e jashtëzakonshme, diku te 80%.
“Do të jenë një pjesëmarrje e jashtëzakonshme, diku te 80%. Janë 3.5 milionë zgjedhës. E ndiej entuziazmin te njerëzit që sakrifikojnë çdo ditë dhe të familjet e varfra që ndjejnë presionin e administratës për ndihmat ekonomike.
Qytetarët kanë evidentuar mashtrimet që po ndodhin këto kohë. Është nisur një cunam me legalizimet, por qytetarët nuk i hipotekojnë dot se janë fiktive këto legalizime.
Ne këto raste do t’i çojmë te drejtësia e re. Unë sot kam firmosur padinë e dytë sa i përket inceneratorit të Elbasanit. Janë disa gazetarë që janë në procese gjyqësore me firmat e inceneratorëve”, tha Kryemadhi.
