Italia do të aplikojë masa të tjera në kuadër të luftës kundër koronavirusit.
Ministri i Shëndetësisë Roberto Speranza do të firmosë një urdhër të ri që parashikon se personat që mbërrijnë nga vendet e BE-së, duhet që përveç tamponit të bëjnë edhe një karantinë prej p ditësh.
Edhe pas 5 ditësh do të bëjnë një tjetër tampon.
“Të gjithë duhet të heqim dorë nga diçka”, tha më herët kryeministri Mario Draghi, duke iu referuar situatës së pandemisë atje.
Masa u vendos pas rritjes së rezervimeve të fluturimeve në Itali.
Autoritetet vendase i frikësohen përsëritjes së asaj çka ndodhi verën e shkuar, ku mijëra njerëz u dyndën drejt Italisë duke rritur ndjeshëm shifrat e infeksioneve.
