Vaksinat aktuale kundër koronavirusit mund të jenë të pavlefshme pas 1 viti, kjo për shkak të mutacioneve të shumta të Covid-19, dhe për këtë duhen furmulime të reja vaksinash.
Kjo e dhënë ka dalë nga një studimi i epidemiologëve, virologëve dhe specialistëve të sëmundjeve infective, shkruan “The Guardian” në një artikull.
Shkencëtarët kanë theksuar prej kohësh se një përpjekje globale e vaksinimit është e nevojshme për të neutralizuar në mënyrë të kënaqshme kërcënimin e Covid-19.
Kjo është për shkak të kërcënimit të variacioneve të virusit – disa më të transmetueshëm, vdekjeprurës dhe më pak të ndjeshëm ndaj vaksinave – që po shfaqen.
Parashikimi i zymtë i një viti ose më pak vjen nga dy të tretat e të anketuarve, sipas Aleancës së Vaksinave të Popullit, një koalicion i organizatave duke përfshirë Amnesty International, Oxfam dhe UNAIDS, të cilët kryen sondazhin e 77 shkencëtarëve nga 28 vende.
Pothuajse një e treta e të anketuarve treguan se afati kohor ishte me gjasë nëntë muaj ose më pak.
