Akademikët në Universitetin e Oksfordit në Britani të Madhe, kanë propozuar së fundmi zëvendësimin e kurrikulave në degët e studimit të artëve muzikore, në mënyrë që rrymat e reja muzikore të zëvendësojnë ato klasike.
Sipas prestigjiozes “The Telegraph”, një nga emrat e propozuar për t’u studiuar është edhe këngëtarja shqiptare me famë botërore, Dua Lipa. Kjo e fundit theu rekordin e saj në “livestream”, duke i zëvendësuar kështu muzicientët klasik siç janë Mozart-i e Beethoven-i.
“Repertori klasik i mësuar në Oksford, i cili përfshin vepra nga Mozart dhe Beethoven, përqendrohet shumë te “historia evropiane nga periudha e skllavërisë”, thanë profesorët.
Teksa e gjithë bota po kalonte një moment shumë të vështirë, Dua Lipa solli një projekt që erdhi në momentin e duhur për të shëruar të gjitha zemrat. Ka kaluar plot një vit nga koha kur Dua Lipa publikoi albumin e saj, “Future Nostalgia” që kaloi çdo pritshmëri të këngëtares në mbarë botën.
