Dy futbollistë me origjinë shqiptare, kanë arritur të gjejnë rrugën e rrjetës me ekipet e tyre përfaqësuese në sfidat e sotme të vlefshme për eliminatoret e Kupës së Botës “Katar 2022”.
Bëhet fjalë për Enis Bardhin, që kaloi në avantazh Maqedoninë e Veriut ndaj Lihtenshtejnit në minutën e 7-të. Me një gjuajtje të lirë nga afro 30 metra, mesfushori arriti të gjente rrugën e rrjetës, i ndihmuar edhe nga portieri kundërshtar që ka gabuar totalisht.
Futbollisti i dytë shqiptarë që gjeti rrugën e rrjetës, është Xherdan Shaqiri, që në minutën e 2-të në sfidën ndaj Lituanisë, finalizoi mjaft bukur një asist të Embolos.
Nga ana tjetër, Italia ka gjetur golin e avantazhit në fund të pjesës së parë ndaj Bullgarisë në Sofje.
U desh një penallti që kombëtarja e Mancinit të zhbllokojë rezultatin me Andrea Belotti, sulmuesin e Torinos. Megjithatë, penalltia e fituar nga bomberi italian, duket pak e dyshimtë.
DENONCO