Kategoria e parë vazhdon të luhet pavarësisht se Superiorja është ndërprerë prej pauzës së kombëtareve. Sot u luajtën tre ndeshje të javës së 18 të grupit A.
Burreli u kthye të fitorja pas humbjes së javës së shkuar në ndeshjen ndaj Dinamos. Ata mundën sot pastër me shifrat 2-0 skuadrën e Orikut. Në stadiumin “Liri Ballabani” ndeshjen e vendosën dy penallti.
Fillimisht shënoi Toma në minutën e 31-të e më pas Vecaj në minuan e 60-të. Me këtë triumf Burreli merr përkohësisht kreun e renditjes. Ndërkohë ne Lezhë skuadra e Besëlidhjes fitoi pastër ndaj Veleçikut me shifrat 3-0.
Të gjithë golat u shënuan në pjesën e dytë. Fillimisht Hoxha me penallti kaloi vendasit në avantazh e më pas Dibra e Danaj respektivisht në minutat 65 dhe 79, duke vulosur fitoren e ndeshjes dhe marrë vendin e pestë në renditje.
Në ndeshjen tjetër Vora ishte shumë afër fitores ndaj Partizani B, por në fund të kuqtë barazuan. Vora shënoi në minutën e 1-rë me Lushakun dhe Partizani B barazoi me penalltinë e Bërdufit në minutën e dytë shtesë.
