Koordinatori politik i Korçës Edmond Spaho u takua sot me fermerët e Zvezdës, me të cilët diskutoi krizën e thellë që ka përfshirë këto 8 vite sektorin e bujqësisë.
Fermerët i shprehën Spahos ankesa të shumta për bllokimin e shitjes së prodhimeve për shkak të favorizimeve të produkteve të importit, dyfishimin e taksave, mungesën e subvencioneve, çmimin e lartë të karburantit, imputeve dhe cilësia e dobët e pesticideve bujqësore.
Ata u shprehën se mungon totalisht infrastruktura e rrugëve dhe e furnizimit me ujë.
“Nuk kemi as rrugë, as ujë. Vetëm një copë rrugë është ndërtuar tani në fund”- tha një fermer, ndërsa një tjetër shprehu shqetësim për çmimin e lartë të energjisë. “ Asgjë nuk kanë bërë. Tre milionë lekë këtu marrin vetëm nga dritat që paguajmë.”
Duke shpjeguar programin e PD drejtuesi politik për Korçën, Edmond Spaho theksoi se Partia Demokratike ka bujqësinë prioritet kryesor.
“Ekspertët gjermanë që kanë ndihmuar për programin na kanë e bërë të qartë se, Shqipëria nuk do ta ngrejë ekonominë e vet, nëse nuk zhvillon bujqësinë, sepse në fshat jeton gjysma e popullsisë dhe bujqësia jep 20 përqind të Prodhimit të brendshëm.
Kështu që ne do të shpërndajmë subvencione 100 milion euro në vit. Do të dyfishohet ndihma ekonomike nga 80 mijë lekë do të shkojë 160 mijë lekë.
Ne do ta ulim çmimin e energjisë elektrike dhe do vendosim fashën 300 kilovat orë. Kur të vijë qeveria e re, do të heqim taksën e qarkullimit 240 lekëshin, në mënyrë që çmimi i karburantit të zbresë”, u shpreh Spaho.
Ai premtoi që në qeverisjen e Lulzim Bashës të zgjidhë problemin e furnizimit të fshatit me ujë, si dhe asfaltimin e rrugëve të brendshme të fshatit
