Presidenti Ilir Meta, në një konferencë për shtyp nga Durrësi, tha se ka ndërmarrë një nismë të quajtur ‘Denonco Krimin Zgjedhor”.
Meta iu bëri thirrje qytetarëve të denoncojnë me zë dhe me figurë, çdo veprim të kundraligjshëm, që përbën dhunim të zgjedhësve, apo subjekteve zgjedhore.
Kreu i shtetit tha se do të mbrojë votën e lirë të qytetarëve, ndërsa denoncimet mund të bëhen në faqen zyrtare të Presidencës.
Meta, tha se duhet denoncuar çdo veprim i pamoralshëm që tenton të manipulojë zgjedhësit.
Meta tha se këto zgjedhje janë të lidhura me integrimin europian, ndërsa shtoi se vota e lirë dhe Kushtetuta nuk mund të preken.
