Djali i kryeministrit të Shqipërisë, Edi Rama, Greg Rama ka postuar një foto në profilin e tij në “Instagram”, me xhaxhain e tij Olsi Ramën, i cili është njëkohësisht edhe drejtor i Partizanit.
Në foton e postuar nga Gregu i cili njihet si një tifoz i Tiranës, ai shfaqet me Olsi Ramën, teksa mbi foto vendos mbishkrimin: “Nesër luan Shqipëria, nuk kemi sherr në familje”. Të njëjtën foto ka postuar edhe drejtori i Partizanit, i cili ngacmon nipin e tij, duke shkruar: “Do bëhesh edhe ti me Partizanin kur të kuptosh nga futbolli.”
Kujtojmë se Shqipëria luan ditën e nesërme me Anglinë, duke filluar nga ora 18:00, në ndeshjen e vlefshme për eliminatoret e Botërorit “Katar 2022”.
