Rilindasit duket se po përdorin gjithçka dhe këdo në këtë fushatë, duke nisur nga projekt-mashtrimet 3D deri tek shfrytëzimi i fëmijëve.
Ministrja e Infrastrukturës, Belinda Balluku, njëherësh kandidate e rilindjes, pasi tentoi të shesë projektet 3D si arritje para shqiptarëve dhe pasi pa që kjo gjë nuk mund të funksiononte më, tashmë ka nisur të shfrytëzojë imazhin e fëmijëve në fushatë.
Ligjërisht përdorimi i fëmijëve në fushatë është i ndaluar dhe i dënueshëm, por për rilindasit dhe Ballukun pak rëndësi ka kjo pjesë, mjafton që ata nuk janë fëmijët e tyre.
Edhe më poshtëruese duket situata kur sheh komentet, se si vartësit, servilët apo të detyruarit e partisë mbështesin postimet e Ballukut që as fytyrën nuk denjojnë tu zërë bebeve, në mënyrë që ata të mos ekspozohen, por i shkruajnë: Bravo shefe!
