Aktorja e famshme amerikane, Jessica Walter, ka vdekur në moshën 80-vjeçare, ka njoftuar familja e saj.
“Me një zemër të thyer unë konfirmoj vdekjen e nënës time të dashur,” tha vajza e Walter Brooke Bowman.
‘Deadline’ raporton se Walter kishte vdekur në gjumë në shtëpinë e saj në New York.
Walter është e njohur më së miri për rolin e Lucille Bluth në Sitcom TV Arrested Development në vitet 2000. Ajo fitoi gjithashtu një Emmy për rolin si detektive në dramën policore Amy Prentiss në vitet 1970.
Gjatë karrierës së saj të gjatë, Walter luajti në disa drama të njohura televizive dhe komedi, si NCIS dhe Law & Order, dhe gjithashtu u shfaq në disa filma.
