Komisioni i Pavarur i Kualifikimit konfirmoi në detyrë gjyqtaren e Fierit Marsela Dervishi.
Komisioni i Pavarur i Kualifikimi zhvilloi sot një seancë për shpalljen e vendimit për subjektin e rivlerësimit, Marsela Dervishi, gjyqtare në Gjykatën e Rrethit Fier
Trupa Gjykuese e e përbërë nga Olsi Komici, Xhensila Pine, Firdes Shuli pasi analizoi provat dhe faktet vendosi, konfirmimin në detyrë të Marsela Dervishit, gjyqtare në Gjykatën e Rrethit Fier.
Marsela Dervishi përfundoi studimet në Shkollën e Magjistraturës në vitin 2012 dhe pas një periudhe stazhi në Tiranë, u emërua gjyqtare në Gjykatën e Fierit. Aktualisht, Dervishi është kandidate për t’u promovuar në Apel pas shpalljes së vendeve vakante nga Këshilli i Lartë Gjyqësor.
Në seancën dëgjimore, Komisioni i Pavarur i Kualifikimit nuk evidentoi probleme lidhur me kriterin e pasurisë dhe figurës për gjyqtaren Marsela Dervishi, ndërsa ajo kundërshtoi gjetjet lidhur me ankesat e kryera për vonesa e zvarritje të proceseve.
U përball me KPK, çfarë ndodhi në seancën e gjyqtares Marsela Dervishi
