Presidenti Meta ka zgjedhur ta shikojë ndeshjen e kombëtares së Shqipërisë me Andorën në familjen e Ylli Bodinakut në Sauk, I cili më 2 korrik 1990 me ‘Saurelin’ e tij shembi murin e ambasadës gjermane duke hyrë aty bashkë me familjen e tij dhe me djalin vetëm tre muajsh që sot ka ditëlindjen.
‘Dje Rikeli më uroi mua për ditëlindjen. Sot është kënaqësia ime të uroj Rikelin në shtëpinë e tij për ditëlindjen.
Rikeli është “foshnja” e Demokracisë pasi hyri tre muajsh në Ambasadën Gjermane, më 2 korrik 1990, me “Saurelin”, që shembi murin, falë babait të tij, Ylli Bodinakut.
Jam i lumtur që ai as nuk e mendon të largohet nga Shqipëria dhe beson te Demokracia.
Nga Sauku, duke pritur ndeshjen e kuqezinjve, ju urojmë dhe atyre fitore!’
