Këngëtarja e njohur nga Kosova Fjolla Morina është dënuar nga gjykata e Kukësit me 6 vite burg për trafikim armësh. Avokatja e këngëtares Aurora Guska, është shprehur se vendimi i gjykatës do të ankimohet. Guska u shpreh se Fjolla ka pasur në çantë vetëm një armë, edhe atë aksidentalisht.
“Vendimin e gjykatës do ta ankimojmë. Ka pasur vetëm një armë, e ka pasur pa dashje, aksidentalisht në çantën e saj,” u shpreh avokatja për mediat.
Edhe pse në kërkim nga policia, Fjolla Morina së fundmi është parë teksa pushon në Maldive. Kujtojmë se Fjolla Morina u arrestua më 19 shtator në pikën kufitare të Morinës me dy armë me vete në makinë. Së bashku me të ishte i dashuri i saj dhe shoferi.
Kujtojmë se Fjolla Morina pak ditë më parë i dha fund beqarisë, duke pranuar propozimin romantik të partnerit në Maldive. Ata zhvilluan edhe një ceremoni që u komentua gjatë në mediat rozë.
