Këngëtarja Fjolla Morina, është një nga emrat më të komentuara kohët e fundit, ndërsa zhurmën më të madhe e bëri pasi u pikas me armë në automjetin e saj, ndërsa ishte së bashku me biznesmenin Fisnik Syla.
Pas ngjarjes së bujshme, Fjolla Morina u mor në pyetje dhe më pas u dënua me arrest shtëpiak, ndërsa deklaroi se me Sylën kanë jetuar një lidhje dashurie.
Pas hetimeve, Fjolla u la në arrest shtëpie në Kukës. Si fillim u aludua se ishte 2-muajshe shtatzënë, por më pas rezultoi se ky ishte një skenar i stisur t’i shpëtonte vendimit të gjykatës.
Në janar, këngëtarja e shumë komentuar zgjodhi që t’ia mbathë nga arratia. Para se të arratisej Fjolla Morina pranoi në gjykatë akuzën për “Trafik të armëve dhe municioneve”.
Pas kësaj policia nisi kërkimet, teksa bukuroshja nga Kosova bashkë me biznesmenin i dhanë fund beqarisë në një ceremoni luksoze dhe të veçantë në Dubai.
E ndërkohë që po shijojnë muajin e mjaltit, gjatë ditës së sotme u përballën me vendimin e gjykatës, e cila vendosi 6 vite burg për Fjolla Morinën.
Kjo gjë nuk i ka bërë aspak përshtypje këngëtares, ndërsa përmes një fotoje provokuese ku shfaqte trupin bombastik, Fjolla ka përshëndetur gjykatën e Kukësit dhe vendimi e marrë për lirinë e saj.
