Starton në orën 20:45 sfida mes Andorrës dhe Shqipërisë, e vlefshme për kualifikueset e Botërorit Katar 2022. Kuqezinjtë bëjnë pjesë në Grupin I, së bashku me Anglinë, Poloninë, Hungarinë, San Marinon dhe kundërshtarin e sotëm, Andorrën.
Kuqezinjtë e ëndërrojnë një kualifikim në Kupën e Botës “Katar 2022” dhe sigurisht nuk është një mision i lehtë duke pasur në grup disa skuadra të forta. Rrugëtimi i skuadrës së drejtuar nga Reja starton sot ku fitorja është një detyrim dhe mundësi e mirë për t’i nisur mbarë kualifikueset.
Për sa i përket formacionit, në portë luan Etrit Berisha, pasi Thomas Strakosha prej kohësh po vuan te Lazio dëmtimet dhe mos aktivizimin. Mbrojtja do të jetë e gjitha nga Serie A, pasi në treshen e qendrës janë Ardian Ismajli, Berat Gjimshiti dhe Marash Kumbulla. Elseid Hysaj është padron i krahut të djathtë, kurse në të majtë Ermir Lenjani.
Sokol Cikalleshit luan në sulm krah Rey Manajt. Në mesfushë, Ledian Memushaj preferohet sërish nga Reja. Vlonjati shton fantazinë, që është e nevojshme ndaj një ekipi si Andorra, kurse kilometrat pritet të garantohen nga Klaus Gjasula dhe Keidi Bare.
Formacionet Zyrtare:
