Belind Këlliçi, një prej drejtuesve politikë të PD në Qarkun e Tiranës, denoncoi sot drejtoreshën e Zyrës Vendore Arsimore Tiranë, Erjeta Allhysa, se po ushtron presione ndaj mësuesve për të mbledhur vota në favor të Partisë Socialiste.
Në një postim në rrjetet sociale, Këlliçi shkruan se “Erjeta Allhysa, ish deputete e PS dhe aktualisht drejtoreshë e Zyrës Vendore Arsimore Tiranë, ka mbledhur me urgjencë në Ndroq drejtorët e shkollave të qarkut Tiranë”.
“”Mblidhni vota në favor të PS ose suksese në jetë”.
Erjeta Allhysa, mos u bëj kamikaze nga dëshpërimi! I mbyturi do ju marrë me vete.
Shkolla është vatër dijesh, jo qendër rekrutimi kamikazësh! Politika duhet t’i përulet shkollës dhe jo e kundërta.
Edhe 31 ditë dhe në shkollat tona do të valëvitet vetëm flamuri kombëtar!
Shkolla do të çlirohet nga edukimi i militantizmit dhe i heshtjes ndaj padrejtësive”, shkruan Këlliçi.
Prej disa javësh raportohen raste se si drejtues të institucioneve po ushtrojnë presione ndaj punonjësve të administratës, jo vetëm në mbledhjen e kartave ID, por edhe sigurimin e votave në favor të Partisë Socialiste.
Modeli Allhysa thyhet më 25 prill!
