Këngëtarja me famë botërore, Demi Lovato, ka bërë një rrëfim tronditës që lidhet me të kaluarën e saj. Këtë rrëfim e ka bërë në serinë e dokumentarëve“Demi Lovato: “Dancing With the Devil”.
Ajo tregoi se është sulmuar seksualisht dy herë. Njëherë në vitin 2018, natën e mbidozës nga shitësi i drogës, si dhe kur ishte 15 vjeçe nga një adoleshent tjetër.
E pas këtij rrëfimi që ka shokuar mbarë opinionin publik, këngëtarja me famë botërore ka vendosur që të flasë për herë të parë për revistën e famshme “People”. Ajo ka treguar se njerëzit kur dëgjojnë këngët e saj nga adoleshenca i thonë: “Oh, ke qenë shumë e zemëruar atëherë”, Unë ju them tani ‘Po, dhe tani mund ta kuptoni pse kam qenë e zemëruar”, është shprehur Demi. Kjo e fundit ka shtuar se fakti se ka treguar një gjë të tillë para kamerave dhe tashmë njerëzit e kanë dëgjuar, është shumë çliruese.
Është fuqizuese. Dhe më ka nxjerrë jashtë të gjithë atë inat që kisha brenda. Kisha lëshuar shumë zemërim paraprakisht, por kjo ishte si një finale e çlirimit të plotë, tani mund të shërohem plotësisht pas kësaj historie”, ka thënë këngëtarja, e cila shpreson që me rrëfimin e saj të ketë ndihmuar edhe njerëzit e tjerë.
“Abuzimi seksual është diçka që shumë njerëz e shohin si tabu për të folur dhe për ta treguar, por unë dua t’ju them njerëzve se ju mundeni dhe është shumë në rregull”, ka përfunduar Demi Lovato.
