Në tregun e këmbimit valutor vendas, të mërkurën, monedha e përbashkët europiane ka ruajtur pozita të qëndrueshme në raport me lekun, ndërsa dollari dhe paundi britanik kanë fitur terren ndaj lekut.
Sipas kursit zyrtar të Bankës së Shqipërisë, sot euroja blihet me 123.20 lekë në të njëjtën vlerë sa një ditë më parë.
Ndërsa dollari amerikan është forcuar me 0.52 lekë, në krahasim me ditën e djeshme duke u ngjitur në vlerën e 104.14 lekë Paundi britanik gjithashtu ka fituar 0.12 lekë dhe këmbehet me 142.77 lekë dhe franga zvicerane këmbehet me 0.18 lekë më pak se ditën e martë, në vlerën 111.32 lekë.
