Edhe sektori i përpunimit të hekurit po vuan pasojat e krizës ekonomike. Sipërmarrës e punonjës, në një takim me kandidaten për deputete të Partisë Demokratike në Tiranë, Jorida Tabaku, shprehën shqetësimin për çmimet e rritura, të cilat rëndojnë drejpërdrejtë në biznesin apo jetën e tyre.
“Kam 20 vite që punoj. Çmimi i hekurit nuk ka qenë kurrë më i rritur. Në këtë gjendje nuk ka qenë asnjëherë. Kam pasur deri në 6 punetorë, një periudhë kohe kam pasur deri në 15, kurse tani 2-3 i mban dot a nuk i mban dot”- thotë i shqetesuar sipërmarrësi.
Krahas çmimeve të lëndës së parë, ata treguan se janë dëmtuar edhe nga rritja e çmimit të energjisë elektrike apo edhe nga taksat, qëndrore e lokale, si dhe u braktisën nga qeveria gjatë pandemisë.
“Faturat dhe kiloëati është rritur në stratosferë, nuk e përballon dot. Tarifa lokale që u rriten të gjitha, u shtua tarifa e infrastukturës! I paguajmë të gjitha tek fatura e ujit.
Çohu nga mëngjesi ,në 9 të darkës edhe vetëm jeton. Vetëm kaq! Për pandeminë na dha 400 mijë lekë, ndërsa siguracione paguaj 450 mijë lekë.”- u shpreh sipërmarrësi.
Tabaku tha se Partia Demokratike nuk premton mrekullira, por garanton konkurencën e ndershme dhe reduktimin e burokracive, si dy nevoja kokrete për të lejuar biznesin e ndershëm të zhvillohet.
“Unë mendoj që Shqiperia bëhet ,nga njerëz të ndershëm si ju , por që ju duhet të keni mundësinë. Nuk ju premtoj mrekullira ,që njerëzit e dinë që nuk realizohen. Ju keni nevojë për dy gjera të vogla konkrete dhe kush janë? E para është konkurrenca e ndershme, që të hapet tregu dhe të keni mundësi të punoni. E dyta është reduktimi i i gjithë burokracive. Absolutisht asgjë tek asnjë zyrtar shteti, sot dalin si banda lëshohen.”- tha Tabaku.
