Nga Gjeneral Pirro Ahmetaj
Të dashur bashkëkombas
Sot është një datë, që simbolizon përvjetorin e një ngarje, e cila meriton të mbetet pērjetësisht e shenjtëruar në memorien kombëtare!
Në mbrëmjen e 23 marsit 1999, misionari amerikan Ambasadori Holbrook, u kthye nga Beogradi (“i dështuar” për të evituar ndërhyrjen ushtarake) në selinë e NATO-s, Bruksel.
24 MARS 1999, SHBA & NATO nis fushatën ajrore kundër pushtuesit serbe për çlirimin e Kosovës !
Kjo ngjarje shënoi nisjen e luftës për të gjunjëzuar një kriminel lufte si Millosheviçi si dhe ndryshoi me merit dhe përjetësisht gjeopolitikën e Rajonit, në favor të Kombit Shqiptar!
Si sot, 22 vjet më parë, fuqia ajrore e SHBA dhe NATOs u angazhuan për herë të parë në një luftë historike “jashtë artikullit 5” por edhe u legjetimua si ”Aleanca e lirisë dhe e besimit te vlerat demkratike” në mbarëbotën!
Prandaj, 24 Marsi jo vetëm mbetet një ngjarje e lavdishme për Kosoven, por SHBA & NATO meritojnë mirënjohjen në përjetësi nga mbarë Shqiptarët!
