Adem Lala, ish-kreu i bashkisë së Hasit ka ankimuar më 17 Mars vendimin e dhënë nga Gjykata e Shkallës së Parë Kundër Korrupsionit dhe Krimit të Organizuar.
Shorti për shqyrtimin e kësaj çështjeje i ka rënë gjyqtares Albana Boksi, por për shkak se kjo e fundit u caktua nga KLGJ anëtare e e Gjykatës së Lartë, pritet që të hidhet një short tjetër për caktimin e një gjyqtari tjetër.
Kujtojmë se rreth një muaj më parë, Gjykata e Posaçme dënoi me 1 vit e 4 muaj burg ish-kryetarin e Bashkisë Has, Adem Lala për “shpërdorim detyre”. Dënimi me burg u konvertua në 1 vit e 4 muaj shërbim prove. Po ashtu, gjykata vendosi që Lalës ti hiqet e drejta për të ushtruar funksione publike për një periudhë 5-vjeçare.
Lala u akuzua nga SPAK për privatizimin e një ndërtesë, në pronësi të Bashkisë në shkelje të procedurave ligjore, që më pas u anullua, gjatë periudhës kur ushtronte detyrën si kryebashkiak.
Kreu i PS në Has është vetëdeklaruar i pafajshëm.
