Tre persona kanë rënë në prangat e policisë së Krujës për shkak se janë kapur duke transportuar kanabis.
Sipas policisë të arrestuarit janë V. K., 29 vjeç, G. K., 25 vjeç (vëllezër), banues në Tiranë dhe E. M., 25 vjeç, banues në Mat, Burrel.
Të arrestuarit janë konstatuar nga shërbimet e Policisë, në fshatin Luz, në aksin rrugor Fushë Krujë – Laç, duke transportuar, në bashkëpunim me njëri-tjetrin, me një mjet tip “Benz”, rreth 7 kg lëndë narkotike cannabis sativa.
Në cilësinë e provës materiale janë sekuestruar dy automjete dhe lënda narkotike.
