Kreu i PAA, Agron Duka, njëherësh kandidat i PD në Durrës, ka reguar pas deklaratave të bëra nga kryeminsitri Edi Rama, i cili kërkonte që komisionerët europianë mos zhvillojnë videokonferenca me liderin e opozitës.
Përmes një postimi në Facebook, Duka shkruan se ndërkombëtarët janë të zhgënjyer nga kryeminsitri edi rama dhe qeverisja e tij 8 vjeccare e cila e la Shqipërinë jashtë BE, prandaj shohin su partner serioz opozitën shqiptare.
Duka thekson se opozita e bashkuar dhe PAA si pjesë e saj do të qeverisin Shqipërinë pas 25 prillit. dhe “Aleanca për Ndryshim” po nënshkruan kontratën e besimit me shqiptarët.
Postimi i plotë i Dukës:
Kryeministri ndihet i shqetësuar rëndë, i trembur, se komisionerët e BE janë në komunikim me opozitën dhe kërkon tërheqje vëmendje nga Brukseli. Sipas tij kështu abuzohet me taksapaguesit europianë. Rama duhet ti japë llogari jo vetëm shqiptarëve por edhe taksapaguesve europianë, sepse qindra milionë dollarë projekte në mbështetje të infrastrukturës, bujqësisë, mjedisit, reformave të shumta, janë para dhe taksa të qytetarëve europianë. Janë projekte për të cilat qortimet europiane kanë qenë të përsëritura për abuzimet, mungesën e theksuar të sundimit të ligjit, në mos-vajtjen e investimeve në shërbim të qytetarëve shqiptarë. Opozita e bashkuar dhe PAA si pjesë e rëndësishme e saj janë partnerët seriozë të BE, që do të qeverisin Shqipërinë pas 25 prillit. Kjo qeveri është tashmë e shkuara, “Aleanca për Ndryshim” po nënshkruan kontratën e besimit me shqiptarët.
