Kryesuesi i listës së kandidatëve për deputetë të PD për Qarkun e Gjirokastrës Prof.Dr.Tritan Shehu, ka vizituar familje të varfëra në zonën e Memaliajt.
Familjet Mihasi dhe Duro, janë shembulli i qartë i ndëshkimit të pushtetit të Rilindjes. Të dy familjet jetojnë në kushte tmerrësisht të vështira. Familja Mihasi në Luftinjën e Sipërme jeton vetëm me 10 mijë lekë që janë të destinuara vetëm për barnat e kryefamiljarit paraplegjik Kastriot Mihasi.
Ky i fundit ka katër fëmijë dhe jeton në një kasolle pa kushte elementare, pa energji elektrike dhe pa ujë. Ndërsa pushteti lokal në Memaliaj, ka ndëshkuar me heqjen e asistencës ekonomike familjes Duro në fshatin Martalloz.
Sic thotë edhe vetë kryefamiljari Gjolek Duro në bashkëbisedim me Shehun, kryetari i Bashkisë Memaliaj i zgjedhur më 30 qershor 2019 Gjolek Guci, i ka hequr asistencën ekonomike vetëm pasi ai bashkë me gruan, refuzuan të shkonin në votimet farsë.
Ndëshkimi ishte i pamëshirshëm dhe kësisoj të gjashtë pjestarët e familjes Duro, nuk kanë se me çfarë të ushqehen pasi askush nuk është në marrëdhënie pune.
Madje djali i madh Sokrati, ka lënë Gjimnazin për të mbledhur bimë medicinale së bashku me të atin për të siguruar kafshatën e bukës që Bashkia e Memaliajt ja hoqi 1 vit e gjysmë më parë.
I gjendur përballë kësaj situate Prof.Dr.Tritan Shehu ka premtuar se ndëshkimi për autorët që i privuan asistencën ekonomike për refuzimin e farsës zgjedhorë të 30 qershorit, nuk do të vonojë.
