Ambasadorja e SHBA në Shqipëri, Yuri Kim ka reaguar sërish ashpër ndaj Partisë Socialiste për mosreagim ndaj figurës së Tom Doshit, për të cilin edhe pse SHBA kërkoi që të mos ishte pjesë e këtyre zgjedhjeve, kryetari i KQZ, Ilirjan Celibashi nuk hezitoi ta regjistronte të parin në listë.
Në reagimin e saj Yuri Kim shkruan se sot PD dhe aletët e saj nuk duan në parlament një person të akuzuar nga SHBA për korrupsin, ndërsa pyet socialistët se përse nuk kanë dhënë asnjë llogari.
Madje Kim shkruan se me heshtjen e tyre socialistët kanë bërë që shqiptarët të besojnë se ata dhe Tom Doshi janë aleatë në këto zgjedhje.
Postimi i Kim:
@pdshqiperi & të tjerët nuk duan në 🇦🇱 Parlament dikë të caktuar nga 🇺🇸 për korrupsion të rëndësishëm. Të tjerëve: Nga çfarë keni frikë? A është e “dobishme” të heshtësh? Pse i lini njerëzit të mendojnë se jeni “aleatë”? A është kjo ajo që mendoni se e meritojnë votuesit? 🇦🇱 meriton më mirë.
Ambasadorja amerikane i është referuar vendimit të DASH të 16 prillit të vitit 2018-të i cili e ndalon Tom Doshin të hyjë në SHBA, pasi akuzohet për korrupsion.
‘Departamenti po përcakton publikisht Anëtarin e Parlamentit të #Shqipërisë Tom Doshi sipas Seksionit 7031 (c) të Aktit të Ndarjeve të Konsoliduara të FY 2017, duke e bërë atë të papërshtatshëm për hyrje në Shtetet e Bashkuara, për shkak të përfshirjes së tij në korrupsion të rëndësishëm. https://go.usa.gov/xQjUH’, vendimi i DASH.
Ndërkohë që kujtojmë që vetëm dy ditë pasi ambasadorja amerikane bëri thirrje që Tom Doshi të mos regjistrohej në zgjedhje, madje dhe partitë politike të distancoheshin prej tij, kreu i KQZ Ilirjan celibashi dhe shumica e anëtarëve e regjistruan kreun e PSD të parin në qarkun e Tiranës dhe atë të Shkodrës.
