Kandidati i Partisë Socialiste për deputet në zgjedhjet e 25 prillit, Ulsi Manja ka mbledhur disa të rinj ditën e sotme brenda kinemasë “Maks Velo”.
Ky takim në ambient të mbyllur vjen në një moment kur studentët nuk lejohen të kthehen në auditore pikërisht për arsyen se grumbullimi në ambiente të mbyllura shihet si rrezik i lartë për përhapjen e Covid-19.
Tema e diskutimit të takimit të sotëm sicc vetë Manja njoftoi ishte reforma në drejtësi dhe tema të tjera të lidhura me fushën e drejtësisë.
“Takim bashkëbisedues me studentët e Fakultetit të Drejtësisë të Universitetit të Tiranës në kinemanë më të re në Laprakë, për të diskutuar mbi Reformën në Drejtësi dhe tema të tjera mbi drejtësinë në Shqipëri. Kinema “MAKS VELO”,”- shkruan Manja.
