Ish-konkurentja e “Për’puthen” Shqipe Hysenaj publikoi thuajse një muaj më parë disa foto për të vërtetuar lidhjen e Teas me ish-konkurrentin e Për’puthen, Beartin.
Ajo postoi disa mesazhe të ndjekësve të saj, të cilët shpreheshin se këto ditë kishin parë Tean dhe Beartin bashkë në Bogë. Madje Shqipja publikoi dhe një foto, në të cilën shprehej se ishin ata të dy bashkë të kapur për dore.
Së fundmi, Shqipja ka treguar një detaj që nuk e dinim më parë. E ftuar në rubrikën “Trotuar”, ajo ka deklaruar se është kërcënuar nga shoqëria dhe njerëz pranë Teas e Beartit pasi ka bërë publike ato foto.
“Kam marrë lloj-lloj kërcënimesh, në rrjetet sociale dhe telefon pasi zbulova teatrin Tea-Beart. I njoh këta persona, por nuk intimidohem dhe s’më bën përshtypje fare. Këta njerëz nuk e dinë se kë kam unë mbrapa”, u shpreh Shqipja.
