Ditë dimri po përjeton vendi me reshje shiu dhe dëbore. Situata do të mbetet e njëjtë deri mesditën e sotme ku do të ketë reshje shiu dhe dëbore në zonat malore.
Gjatë ditëve të ardhshme të kësaj jave do të mbizotërojnë kthjellimet dhe vranësirat deri në mesatare.
Mjegulla e mjegullina në lugina do të jetë prezente gjatë orëve të mëngjesit dhe pas perëndimit të diellit.
Temperaturat do të pësojnë rënie gjatë orëve të mëngjesit si më poshtë, duke sjellë ngrica në të gjitha zonat malore më së shumti në zonat e mbuluara me dëborë.
Era deri në mesjavë përgjithësisht do të jetë e vrullshme në bregdet dhe zonat luginore nga kuadrati i veriut. Më tej e lehtë e lokalisht mesatare.
Pas këtyre ditëve dimërore pranvera pritet të zërë vendin që i takon.
