Komisioni Qendror i Zgjedhjeve ka publikuar sot listën e kandidatëve për deputetë, të cilët do të dërgohen për verifikim të thelluar nga Prokuroria, për të parë nëse kanë pasur apo kanë probleme me ligjin.
Në listë figurojnë emrat e 13 kandidatëve për deputetë, ndër të cilët 2 janë nga Koalicioni ABEOK, një nga LSI, pesë nga PD, dy nga Partia Socialdemokrate dhe tre nga PS.
Mes emrave për verifikim të thelluar është edhe ai i Tom Doshit, ndaj kandidimit të të cilit për deputet protestoi edhe PD, duke i kërkuar KQZ që të mos e regjistronte, për shkak të faktit se atij i është refuzuar hyrja në SHBA.
Ndërkohë, ndaj Doshit ka reaguar edhe Ambasadorja e SHBA, Yuri Kim, duke e përmendur me emër, e madje duke thënë se kishte marrë fjalën e kryeministrit Edi Rama se ai nuk do të bënte pjesë në qeveri.
Lista:
Koalicioni ABEOK:
– Altin Gjeloshaj
– Elsa Voka
Partia Lëvizja Socialiste për Integrim:
– Arbër Arifaj
Partia Demokratike:
– Agron Kapllanaj
– Gentjan Muca
– Rezart Tusha
– Zef Hila
Partia Socialdemokrate:
– Kleo Murataj
– Tom Doshi
Partia Socialiste:
– Artan Bitri
– Halim Dauti
– Leonard Beqiri
