Ushtruesi i detyrës së Presidentit, Glauk Konjufca, përmes një letre drejtuar kryetarit të Lëvizjes Vetëvendosje Albin Kurti, ka kërkuar që ky subjekt fitues i zgjedhjeve të 14 Shkurtit të propozojë emrin për kryeministër.
Në letër, Konjufca, iu është referuar dispozitave kushtetuese dhe njoftimit të KQZ-së për certifikimin e rezultateve të zgjedhjeve të 14 Shkurtit.
Ushtruesi i detyrës se Presidentit ka theksuar se Lëvizja Vetëvendosje ka fituar shumicën e nevojshme në kuvend për ta krijuar Qeverinë e re.
Konjufca u zgjodh sot kryetar i Kuvendit të Kosovës. Njëkoheësisht, do të jetë President në detyrë i Kosovës deri në zgjedhjen e të riut.
