Autoritetet greke kanë shtyrë sërish afatin e bllokimit të pikës kufitare të Kapshticës, në kuadër të masave të marra për shkak të koronavirusit.
Mësohet se Autoritetet e Policisë greke, kanë njoftuar palën shqiptare për shtyrjen e afatit të bllokimit, deri në datën 05/04/2021.
Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, do të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
