Një person është vënë në pranga nga policia e Tiranës, ndërsa një tjetër është shpallur në kërkim, pasi akuzohen për ngacmim seksual ndaj të miturve.
Rasti i parë i referohet një 60-vjeçari. “Nga specialistët për Hetimin e Krimit në Komisariatin e Policisë Nr.3 u bë arrestimi në flagrancë i shtetasit A. M., 60 vjeç, pasi ka ngacmuar seksualisht një shtetase të mitur”, njoftoi policia.
Të njëjtat burime shtuan se një ditë më parë, “u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit A.M., 42 vjeç, sepse në rrugën ‘Pandi Dardha’, ka tentuar të ngacmojë seksualisht një shtetase të mitur”.
Materialet i kaluan Prokurorisë së Rrethit Gjyqësor Tiranë, për veprime të mëtejshme, njoftoi policia.
