“Vanity Fair Usa” që ka bërë të mundur publikimin e disa pjesëve të librit autobiografik të aktores së famshme, Sharon Stone.
Në librin e saj, Sharon zbulon disa ngacmime seksuale gjatë karrierës së saj. Ajo që ka tërhequr më shumë vëmendjen është ngacmimi nga një producent, të cilit nuk i përmendet emri. Ai i ka thënë aktores së famshme se dëshironte që të kishte një raport seksual me bashkë-protagonisten, për të treguar një kimi më të mirë në film.
“Ky producent më çoi në zyrën e tij dhe filloi të bënte ecje poshtë e lart, teksa shpjegonte arsyen që të jesh një aktor i vërtetë duhet të bësh seks realisht, në mënyrë që të krijosh kiminë e duhur në film”, ka treguar Sharon.
Producenti gjithashtu i kishte rrëfyer që kur ai ka qenë aktor, kishte bërë seks me të vërtetë gjatë xhirimeve të një filmi me Ava Gardner. Për këtë arsye, ai ishte i bindur që në këtë mënyrë do të ndihmonte edhe protagonistin tjetër për të pasur një aktrim të mirë.
“Mendon se po të bëj seks me të ai do të bëhet një aktor më i mirë? Asnjë nuk është kaq i mirë në shtrat. Do kishe bërë mirë nëse zgjidhje një më me talent, dikë që është i aftë të kujtojë frazat, ose që mund të bënin seks më mirë mes tyre dhe të mos më përfshije mua në gjithë këtë. Puna ime është të jem një aktore dhe unë bëj vetëm këtë gjë”, i ishte përgjigjur Stone.
Menjëherë pas leximit të këtyre pjesëve, njerëzit janë bërë shumë kuriozë që të zbulojnë emrat e këtyre personave që kanë ngacmuar aktoren e famshme. “New York Post” ka shkruar se bëhet fjalë për Robert Evans, që në të shkuarën ishte aktor, bashkë–protagonist me Ava Gardner në filmin ‘Dielli do të lind sërish’, një film i vitit 1957.
Ai ka qenë më pas producent i “Love Story”, “Chinatown”, “Padrino” dhe “Sliver”, ndoshta filmi në të cilin Stone duhet të bënte seks realisht. Kujtojmë se trilleri erotik, që ka dalë në 1993, kishte si bashkë-protagonist William Baldwin.
