Duhet të ishte një pasdite e qetë dhe një fitore në kasafortë, por Juventus-Benevento është kthyer në dramë dhe tashmë ka shuar të gjitha shpresat e bardhezinjve për të kapur Interin në krye të renditjes.
Në Torino ndodh çudia e madhe dhe gafën e bën Arthur, 20 minuta nga fundi, kur në mënyrë krejt të pashpjegueshme në mbrojtje pason horizontalisht dhe ia fal topin Gaich, që stopon dhe godet duke mposhtur Szeszcny.
Juventusi hidhet i gjithi në sulm dhe janë të paktën 4-5 tentativa për gol të falura nga ekipi i Pirlos por Benevento reziston dhe portieri Montipo tregohet fantastik duke bërë pritje vendimtare.
Ka edhe protesta për një pengim në zonë të Chiesa dhe Pirlo merr të verdhë. Por, arbitri nuk akordon pasi në pjesën e parë dha penallti dhe VAR e korrigjoi.
Pas 4 minutash shtesë vjen vërshëllima finale! Juventusi mundet në shtëpi nga Benevento.
