Blogerja Dea Mishel është pjesë e rubrikës “Trotuar” në “E Diell”, ku diskutohen tema të ndryshme çdo të diel. Ditën e sotme u diskutua rreth kërcënimeve që njerëzit marrin në rrjetet sociale, numrat e telefonave apo edhe në rrugë.
Dea tregoi se për tre vite rreth është përndjekur nga një vajzë, e cila ishte e fiksuar me partnerin e saj.
“Më ka përndjekur një vajzë. Në çdo lëvizje time, më gjente. Ishte një person i fiksuar me të dashurin tim. Për 3 vite kam përjetuar bullizëm dhe çdo gjë. Isha e vogël dhe nuk e dija çfarë të bëja. Mendoja se a do më ndihmonte policia”, tha Dea.
Më pas, Dea u bëri thirrje të vajzave të reja dhe jo vetëm, që të mos u dërgojnë partnerëve të tyre foto nudo apo seksi. Sipas saj, nëse një ditë ndahen, ata mund t’i përdorin për t’i kërcënuar. E raste të tilla kemi dëgjuar shpesh.
