Ish-trajneri Partizanit, Franko Lerda, ka dhëne një intervistë në revistën italiane “Lafedelta”, teksa ka folur për karrierën e tij dhe ka cekur periudhën qe kaloi te klubi kryeqytetas.
54-vjeçari u shpreh se te Partizani kaloi dhe një periudhë mjaft të mirë teksa arriti të fitonte dhe Superkupën e Shqipërisë në vitin 2019.
“Ishte një mundësi për rritje si nga pikëpamja njerëzore ashtu edhe nga ajo profesionale. Nga njëra anë, u njoha me një qytet të rëndësishëm, me një kulturë dhe një mënyrë jetese të ndryshme nga e jona, e cila më bëri të rritem. Nga ana tjetër, jam marrë me realitete të ndryshme sportive dhe me qasje unike të futbollit, duke bërë gjithashtu debutimin tim në parapërgatitjet e Ligës së Kampionëve.
Në Shqipëri jetohej me të njëjtin intensitet me të cilën jetohet në Itali. Ndryshe nga ne, sidoqoftë, bota shqiptare ka tendencë të jetë edhe më konservatore, kështu që ndonjëherë është e vështirë të sjellësh lajme.”
