Në rast se Partizani nuk rinovon me lojtarët që ka në fund kontrate, do të humbiste 2.7 milionë euro nga vlera e tyre.
Emra si Belica, Melo, Asani, Çinari, Bardhi, Broja dhe Mala kushtojnë mijëra euro në treg dhe drejtuesit e të kuqve rrezikojnë t’i humbasin si futbollistë të lirë. Përveç anës financiare, këta lojtarë janë dhe shumë të rëndësishëm për ekipin, pasi kanë qenë boshti i skuadrës muajt e fundit.
Trajneri Daja ka theksuar se rinovimet do të nisin shumë shpejt, pasi kërkon të ruajë boshtin e lojtarëve. Broja dhe Bardhi janë dy nga emrat që pritet të rinovojnë të parët, por dhe Jasir Asani. Edhe Belica pritet të jetë pjesë e të kuqve për sezonin tjetër, ndërsa për Malën, Melon, Idrizajn dhe Hakajn, vështirë të thuhet me siguri nëse do të qëndrojnë.
