Dy shqiptarë janë shpallur në kërkim pasi dyshohet se kanë vrarë një 23-vjeçar në Cardiff. Mediat huaja bëjnë me dije se dy personat e shpallur në kërkim janë: Josif Nushi 26-vjeç dhe Mihal Dhana 27-vjeç.
Policia britanike tha se dy të rinjtë shqiptarë dyshohen se kanë lidhje me vrasjen e Tomasz Waga, i cili u gjet i vdekur më 28 Janar, pasi të rinjtë u larguan pas ngjarjes nga zona.
Trupi i Waga u zbulua afërsisht në orën 23:30 të së enjtes, 28 janar, në Westville Road. Ai kishte qenë viktimë e një sulmi të vazhdueshëm.
Sipas mediave vendase, për vrasjen e britanikut janë përgjegjës 4 persona, prej të cilëve 2 ndodhen në paraburgim dhe 2 janë në kërkim.
Për herë të parë bëhen publik emrat, të dhënat dhe fotot e dy shqiptarëve Josif Nushi dhe Mihal Dhana.
