Ditë më parë, FSHF-ja, me një letër zyrtare në drejtim të Ministrisë së Shëndetësisë dhe Mbrojtjes sociale, kërkonte që ndeshja Shqipëri-Angli të zhvillohej me praninë e limituar të tifozëve.
Megjithatë, autoritet qeveritare e kanë refuzuar këtë kërkesë, teksa ndeshja e 28 marsit do të zhvillohet pa praninë e tifozëve.
“Duke parë situatën epidemiologjike, në kushtet e numrit të lartë të rasteve të reja të infektimeve me COVID-19, Ministria e Shëndetësisë dhe Mbrojtjes Sociale, nuk e miraton kërkesën tuaj”, shkruhet mes të tjerash në përgjigjen që i është dërguar FSHF-së.
FSHF synonte që kundër “Tre Luanëve” të lejoheshin 6500 tifozë, duke zbatuar të gjitha protokollet e sigurisë por mesa duket nuk është parë si e arsyeshme nga qeveria.
