E ka pësuar keq punonjësi i një shkolle fillore në Prizren, i cili nuk i maste mirë temperaturën nxënësve.
Rasti në fjalë u bë publike pas një video që qarkulloi në rrjet, ku shihej se ai e mbante termometrin shumë larg nxënësve.
Lajmi është konfirmuar nga drejtor i Drejtorisë së Inspektoratit në Prizren, Edon Muçaj, i cili me anë të një postimi në Facebook, ka bërë të ditur se punonjësi është gjobitur me 200 euro.
“Matja e temperaturës me termometër digjital tek nxënësit e shkollave për mbrojtjen e tyre nga pandemia COVID-19 është e rregulluar me Ligjin antiCOVID andaj duhet zbatuar. Kësaj radhe gjobë mandatore si udhërrëfim që rastet e tjera të njejta të mos përsëriten!”, -ka shkruar ai.
