“Nuk ka vaksina të mjaftueshme për të ndaluar valën e tretë të koronavirusit në Europë”, – tha në një deklaratë ministri gjerman i Shëndetësisë, Jens Sphan.
Duke folur në një konferencë për shtyp, Sphan paralajmëroi se Gjermania duhet të rivendosë disa kufizime për të ngadalësuar përhapjen e virusit.
Numri i rasteve në Gjermani po vazhdon të rritet, duke raportuar 17,482 raste të reja sot. Ndërkohë, Gjermania ka rifilluar përdorimin e AstraZeneca, pas pezullimit në fillim të javës.
