Dy të rinj u ndaluan mbrëmjen e shkuar gjatë një kontrolli rutinë të policisë në Arezzo të Italisë.
Patrullat e policisë pikasën një automjet të parkuar me dy persona në bord që qëndronin në mënyrë të dyshimtë, të cilët më pas u identifikuan si N.T. i ulur në vend të shoferit dhe A.K, i ulur në vend të pasagjerit, të dy me kombësi shqiptare dhe banues në Arrezzo.
Pas kontrollit, agjentët gjetën, të fshehur nën sediljen anësore të pasagjerit, një qese të vogël me hashash me një peshë totale prej 60 gramësh dhe një shumë parash prej 425 euro.
Pas kontrollit në shtëpinë e shtetasit N.T, nën dyshekun e krevatit u gjetën 3 pako me substancë hashash me një peshë prej 320 gr.
