Agjencia e Kontrollit dhe Parandalimit të Sëmundjeve të Koresë së Jugut (KDCA) njoftoi të mërkurën se vendi do të vazhdojë vaksinimet me AstraZeneca pasi nuk ka asnjë arsye për të pezulluar vaksinën.
Në një njoftim për shtyp, KDCA theksoi konstatimin e Organizatës Botërore të Shëndetësisë (OBSH) se nuk ka prova që mpiksjet e gjakut janë shkaktuar nga AstraZeneca.
KDCA citoi gjithashtu vlerësimin e Agjencisë Europiane të Barnave (EMA) se nuk ka asnjë indikacion që dy rastet e mpiksjes së gjakut në Austri kanë të bëjnë me AstraZeneca.
Më shumë se 570,000 njerëz janë vaksinuar me AstraZeneca në Korenë e Jugut deri më tani, por nuk ka pasur asnjë të dhënë se mpiksjet e gjakut janë shkaktuar nga vaksina.
Ekipi shëndetësor do të vazhdojë të monitorojë reagimet e njerëzve pas vaksinimit dhe do të rishikojë nga afër rezultatet e hetimit të Administratës Europiane të Ushqimit dhe Barnave, si dhe rastet në vendet e tjera.
