Gjykata e Tiranës, ka dënuar me 6 vite burgim biznesmenin e ndërtimit Andon Pango, i cili akuzohej nga prokuroria e kryeqytetit për veprën penale të “Mashtrimit me pasoja të rënda”.
Vendimi është dhënë të hënën e 15 marsit, nga gjykata, me cila ka dënuar Pangon, duke e deklaruar atë fajtor.
Në një seancë të mëparshme prokuroria kishte kërkuar dënimin e Pangos me 5 vite burgim dhe pezullimin e kësaj mase dënimi duke vendosur biznesmenin në shërbim prove për një periudhë 2-vjeçare.
Më tej prokuroria e Tiranës, kërkoi që nga ana e të pandehurit Andon Pango, të riparohet dëmi financiar i shkaktuar shtetasit Alush Alla, duke i kthyer shumën e parave të marë nëpërmjet mashtrimit ose i pandehuri Andon Pango, të dorëzojë apartamentin e shitur dikujt tjetri.
Gjatë gjykimit të çështjes është provuar se biznesmeni Pango ka mashtruar shtetasin Alush Alla, me shitjen e një apartamenti në zonën e “Kopshtit Zoologjik” në Tiranë dhe me një sipërfaqe dyqani.
Mes dy personave të përfshirë në këtë konflikt gjyqësor, disa vite më parë ka pasur një marëdhënie shoqërore, por biznesmeni i ndërtimit Andon Pango, në një marrëveshje kontraktuale për blerjen e një apartamenti dhe dyqani, e ka mashtruar mikun e tij, Alush Alla.
Tashmë Andon Pango është dënuar me 6 vite burgim për akuzën e “Mashtrimit me pasoja të rënda”.
