Dashamir Shehi, Kryetar i LZHK, në një komunikim përmes rrjeteve sociale, shprehet se Shqipëria ka ende një shans për të investuar në bujqësi, pasi janë 400 mijë hektarë që mund të punohen dhe të kthejmë sytë nga bujqësia.
Ky sektor i ekonomisë shqiptare, sipas Shehit, duhet të jetë prioritet për qeverinë e re shqiptare, pasi ajo që ka ndodhur në 30 vite ka qenë një katastrofë.
“Kemi mbjellë banesa në fushat arë, dhe sot kërkojmë të bëjmë bujqësinë në kodra. Kemi ende një shans për të shpëtuar dhe për të korrigjuar gabimet që kemi bërë kur kemi lënë tokat djerrë dhe kemi shkatërruar pyjet. Duam integrimin europian dhe mund t´a realizojmë përmes zhvillimit të bujqësisë. Shikoni vendet më të zhvilluara janë ato që kanë bujqësinë më të zhvilluar. Ne nuk jemi as Firence dhe as Venezia, por me një bujqësi të zhvilluar mund të thithim edhe turistët e huaj, përmes produkteve bio”, tha Shehi.
